El maga pulis intelligence junto con otro maga units del pulis y militar ya encabesa si Chief Insp. Edilberto Alvarez ya aresta con un alegao bomb maker del Abu Sayyaf Group y ya recobri un IED na su posecion durante el servida del search warrant na un pension house na Putik del Lunes denoche.
Con el arestao ya conose como si Benjar Engeng y Idarus alias Ben Akmad, native de Isabela City y tiene tambien su residencia na Maharlika Village, Taguig City.
Ya confisca na pusento donde le ta esta por sinco dias ya na un pension house, el un alegao Improvised Explosive Device (IED) que tiene ya maga paraphernalia.
Porcausa con el recovrida del explosiva, el maa miembros del Bomb Squad ya tene que conduci el que se llama safety procedure donde ya hace rebenta por dos beses usando el water bomb.
Porcausa con este, ya sale espantao el maga vivientes del lugar pensariyatiene ya bomba ya rebenta.
Con Engeng ya detene na pulisiya mientras ta prepara ya el proprio caso que ay planta contra conele.
Asegun, target di Engeng liquida con un tal conosido politician pormedio de hacer redenta el IED.
