Abu, mujer, bata muerto na encuentro na Limaong

12

Muerto el un miembro del Abu Sayyaf Group, y un mujer y bata durante el encuentro entre el maga tropa del Task Force Zamboanga na Limaong enantes aga.
Asegun con Col, Leonel Nicolas, el commander del Task Force Zamboanga, ya que apunta el tropa na lugar abordo na military boat para verifica conel report del maga vivientes que tiene asegun maga armao persona na lugar.
Pero ta aproxima pa lang el maga soldao na lugar, derepente ya lang ya rega canila de bala el persona na casa quien uliji ya sale conosido como si untal Abu Nibras.
Ya tene que contesta de tiro el maga soldao hasta ya tene cambiajan de tiro por 10 minuto.
Cuando ya puede tira con Abu Nibras, ya descansa el tiroteo.
Durante el clearing operation, fuera con el cadaver di Abu Nibras, ya encontra el maga soldao con el cadaver del un mujer y un bata edad de 7-año mientras 3 otro maga menor de edad ya sale tambien irido y ya lleva canila na hospital.
Asegun na report, el dos compañero di Abu Nibras ya sale dayun despues lang ya hace jatud conele na lugar.
www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments