ZAMBOANGA CITY– Trambulicao el pensamiento del familiars di Jayson Baylosis, unu del cuatro maga construction workers de Zamboanga City quien ta esta pa mano del bandido grupo Abu Sayyaf na Sulu despues ya dale el ultimatum hasta ahora alas 2 del tarde para dale el diila demanda ransom P3 milliones de peso.
Durante el entrevista del RMN Zamboanga conel familiars di Baylosis cuantos minute ya pasa, nupuede sila conversa enbonamente desguiendo del diila sentido para conel maga victim quien mayoria man pariente y conosidos lang de un lugar.
El esposa di Baylosis nohay na diila residencia despues ya camina esta para busca donde puede pidi ayuda para libra consu esposo y deste tres companiero.
Asegun conel amenaso del Abu Sayyaf, espera sila hasta alas 2 ahora tarde si nohay el ransom, ay curta sila el pescueso di Baylosis.
Acordando con Baylosis y sinco maga companiero ya abducta el ASGdeste na un construction site na un escuela na Sulu donde dos diila comapniero ya puede dayun escapa.
Mientrastanto el gobierno ta para duru na que se llama “no ransom policy” sequiendo conel lei. – Dan Toribio
