Davao City – Angay lang nga dili mahadlok nga mudangop sa mga institusyon ang mga nabiktima sa pagpangabuso aron mapasibaw ilang mulo ug makakab-ot og hustisya.
Kini ang gipaambit ni Eunice Casiple sa Luna Legal Resource Center sa syudad atol sa pakighinabi ni RadyoMaN Misel Miral-Galve kaniya sa Serbisyong Straight to the Point.
Sumala ni Casiple nga ang Luna usa ka non-government organization nga pwedeng madangpan sa kababayen-han ug kabataan kinsa biktima sa pagpangabuso.
Gani gibutyag ni Atlanta Yap, Program Officer sa maong organisasyon ang ilang main programs sama sa Comprehensive Legal Assistance Program, Legal Advocacy Work, Legal Volunteerism and Education Training ug activities alang sa kababayenhan.
Alang sa dugang mga pangutana bahin niini, mamahimong muadto sa opisina sa Luna sa 63 V.Mapa Agri Davao Building ning syudad sa Davao likod sa Central Bank o di ba kaha mutawag sa ilang contact number nga 222-3448.
RadyoMaN Renz Barbarona
