Cuatro maga pulis conquien ay man award manyana durante el culmination program del aca 23 Police Community Relations Month.
El programa ay hace na Zamboanga City Police Office parade ground alas 7:30 del aga.
Al abogao Pablito Abad, el acting Regional Director del National Police Commission amo el wespe de honor del programa.
El centro del programa amo el destribujida del maga award con cuantos maga pulis, barangay/private individual y organizacion quien ya contribuji con el programa del pulis para con el communidad.
El maga ward amo el maga seguiente; Outstanding Provincial Police Office of the Year que es el Zamboanga Sibugay PPO; Outstanding City Police Office of the Year que es el Zamboanga City Police Office; Outstanding City Police Office of the Year que es el Dapitan City Police Office; Outstanding Municipal Police Station of the Year que es el Bayog Municipal Police Station; Outstanding PCR Senior PCO of the Year amo si Chief Insp. Ycer Noah Aniversario del- ZSPPO; Outstanding PCR Junior PCO of the Year amo si INsp. Kent Belleno Gudmalin – ICPS; Outstanding PCR Senior PNCO of the Year amo si SPO3 Marlene Asdaon Galvez –ZCPO y el Outstanding PCR Junior PNCO of the Year amo si PO3 Wellington P Ator Jr. – ICPS.
Para el most supportive barangay, provate individual, Group/Organization category amo el barangay de Taluksangay, el individual award ya gyuinda con Rev. Fr. Leh Cruz Taib y el group organization ya guinda con el Ulama Council, Zamboanga Peninsula.
Para na special award category ya guinda con el Bayog Municipality, Zamboanga del Sur, Zamboanga Del Sur Provincial Health Office y DOH 9 Zamboanga City.
Despues ay sigui el nationwide simultaneous signing del community and service oriented policing MOA entre el PNP, Local Chief Executive y el comunidad.
