Punoan sa acacia ug laing punoan ang nangatumba sa lungsod sa Sibonga human sa kusug ug dugay nga pag-uwan niadtong adlaw nga Dominggo.
Duha ka acacia nga naluka tungod sa paghumok sa yuta , anaa sa Barangay Poblacion apil na ang anaa sa atubangan sa simbahan , samtang laing punoan usab ang natumba sa Barangay Bagacay .
Ang pagkatumba sa punoan sa acacia ilabi na sa national highway nakamugna ug kahoot sa dagan sa mga sakyanan paingon sa habagatan ug sa mopaingon dinhi sa dakbayan sa Sugbu ig-abot sa lungsod sa Sibonga .
Usa ka PWD ang gihatagan ug first aid human natapsingan sa sanga sa pagkatumba sa acacia.
Nagtibangay sa clearing operation aron mahawanan ang karsada gikan sa natumba nga acacia ang mga sakop sa Sibonga Police Station , Bureau of Fire Protection , local disaster sa munisipyo ug sa kagamhanan sa lalawigan sa Sugbu.
