Davao City – Dakung bentaha sa mga botante kung mapubliko ang pangalan sa mga opisyales sa barangay nga nalakip sa narco list ni Pres. Rodrigo Duterte.
Makahatag og giya sa mga botante kung kinsa ang ilang pilion sa piniliay karong Mayo 14 kung iyagyag ang pangalan sa kasamtangang mga opisyales nga nalambigit sa iligal nga droga.
Kung masayran sa mga tawo ang mga opisyales nga anaa sa narco list dili unya sila mabotaran sa nagsingabot nga Mayo 14, sumala ni Jimmie Lou Vega, nangulo sa Davao Association of Catholic Schools.
Sa bahin ni Vega, dili kini pabor nganlan ang mga opisyales hilabi na kun wala pa ma-establisar ang koneksyon niin sa sindikato sa droga.
Lisud na mabalik ang maayo nga imahe ugaling maguba na kini diin daku kining epekto sa bahin sa mga botante diha sa pagpili sa gusto nilang palingkuron sa barangay, segun ni Vega.
Sa tan-aw ni Vega, daku ang posibilidad nga masambugan sa pulitika ang pagbulgar sa pangalan sa mga opisyales sa barangay aron dauton kini ug sa ingon dili mabotaran ug makadaug sa posisyon nga subling gidaganan karong piniliay.
RadyoMaN Joel Viray
