Davao City – Makaarlama na karon ang gipagawas nga datos gikan sa Philippine Statistics Authority (PSA) nga midaghan karon ang mga Out-of School youth tungod sa sayo nga pagkabuntis.
Sumala ni Jenielito Atillo Department of Education (DEPED-XI) Information Officer, sutaon kung unsang matang sa pamilya ang aduna niini kung nganong ang anak sayo man nga nabuntis.
Matud ni Atillo, sa ingon niini nga gidaghanon sa mga batan-ong sayo namabdos, malagmit nga adunay dili maayong kalihukan ug kahimtang sulod sa panimalay.
Giklaro ni Atillo nga wala nagkulang sa pagpanudlo ang eskwelahan sa pundasyon kabahin sa sekswalidad diha pa lang daan sa elementarya ug anaa na sa curriculum.
Tungod niini, gisugyot ni Atillo nga gikinahanglang adunay lig-on nga mga programa kabahin sa pagpakusog sa relasyon sa mga miyembro sa pamilya aron ang mga anak magbaton sa maayong panglantaw ug tinguha sa ilang kinabuhi.
RadyoMaN Bernard Pantallon
