Pilar, Capiz- Isa ka babaye ang ginapahayag biktima sang accidental firing sa Brgy. Monteflor banwa sang Pilar.
Ginkilala ang biktima kay Levien Ashley Caabay y Maniego, 20-anyos ang pang-edaron sang nasambitan nga lugar.
Suno sa imbestigasyon sang mga kapulisan, ang biktima kag live-in partner sini nga si Kenneth Corral y Paderes ang nagalantaw sang telebisyon sang nag-abot ang suspek nga si Diego Banate, yara sa legal nga pang-edaron.
Sang nagpungko ang suspek, aksidente nga naglupok ang armasluthang nga nabutang sa bulsa sini sa diin naigu ang biktima. Gindangat sa Jesus Colmenares District Hospital sa Balasan, Iloilo ang biktima samtang ang suspek ang madasig nga nagpalagyo dala ang armasluthang.
Facebook Comments
