Madalag, Aklan – Pilason ang isa ka katapo sang pulis nga taga-Capiz matapos ini ang aksidente nga nalukpan sang armasluthang nga gina-uyatan sang kapareho nga pulis samtang yara ang mga ini sa Brgy Dit-ana Madalag, Aklan alas 9 sang gab-e.
Ginkilala ang biktima kay Corporal Jose Bade, 35-anyos sang Brgy Agbabadiang, Panit-an, Capiz kag assigned sa 1st Aklan Provincial Mobile Force Company kun sa diin ini ang nag-angkon sang pilas sa nalikod nga porsyon sang iya ulo.
Suno sa imbestigasyon, nagahigda na ang mga ini sa duyan sang ginkuha sang kaupdanan nga si Corporal Erwin Magarso ang service firearm nga M-16 armalite riffle apang aksidente nga nasangit sa muskitero(mosquito net) kabangdanan ini ang naglupok.
Una nga nagtupa ang bala sa salog nga semento antes nga nagtalsik sa haigi kag naigo ang biktima sa ulo.
Nahibaloan nga yara ang mga ini sa lugar bangud sa ginapatigayon nga community outreach.
Sa subong, ginabulong sa isa ka ospital sa syudad sang Iloilo ang biktima nga si Corporal Jose Bade samtang ginkustodiya naman sang ila company commander ang suspek nga si Corporal Erwin Magarso nga ginpaidalom sa “restricted status”.
