ILOILO – Aksidente nga natiruhan ni PO1 John Rey Oquila ang kaangay nga pulis nga si PO1 Kimberly Hope Bendita, 32 anyos sang Barangay Jereos, Lapaz, Iloilo City.
Si Oquila, 29 anyos sang Hacienda Amigos Singko, Brgy. Tinampaan, Cadiz City ang tuyo lamang kuntani nga testingan ang m16 rifle.
Suno kay PSI John Paul Go-ay, hepe sang Janiauy Municipal Police Station, indi man hungod ang natabo apang may lapses man si Oquila bangod wala niya gintumod sa safe area ang pagpalupok.
Wala man direkta nga naigo sang bala si Bendita kag naigo lang sang fragments. Gindala ini sa ospital kag ginalauman nga mangin outpatient man subong nga adlaw.
Suno kay Go-ay, ginahulat pa kon ano ang desisyon sang biktima nga si Bendita kon bala magapasaka ini sang kaso ukon estoryahan nalng ang natabo.
Pahayag ni Go-ay, nagagwa nga indi man hungod ni Oquila ang natabo kag maayo man ang pagtamdanay sang duha.
Subong man, may administrative liability si Oquila sa natabo nga insidente.
Photo from web
