Accidente

28

Irido el un residente de Mercedes despues ya tumba conele insima el un ponoy datiles y yan bangga pa cunele el un pickup truck na Culianan enantes aga.
El victima amo si Guillermo Perez Concepcion, Jr., 47, anios de edad y de Socorro Street, Mercedes.
Con Concepcion ya lleva na Mindanao Central Sanitarium na Pasobolong.
Asegun na report, serca man alas 7 del aga manehando si Concepcion consu scooter motorsiclo estaba na este parte del Culianan y encamino para na Mercedes y cuando ya llega le serca na entrada del Froilano Street na Culianan derepente el un ponoy datiles yan uclad porcausa con el puerte ulan.
Ya tumba insima con Concepcion el datiles y yan taplac tamen le na calsada.
Cuando tumbao si Concepcion, ya bangga tamem conele el un mitsubishi pickup del Departmemt of Agriculture ta maneha si Jolito Cordova Rizada quien ta sigui conele atras.
El casi baho pa na imbestigacion.


Facebook Comments