Naglab-ot sa 342 ka resolusyo kag 205 ka ordinansa sa pangkabiliguan ang natigayon nga aprubahan sang Sangguniang Panlalawigan sang Capiz sang 2017.
Sang tinalikadan nga tuig ang SP Capiz ang nakapatigayon sang 50 ka regular session humalin Enero tubtob disyembre 2017 kon sa diin isa diri ang special session. Sa 205 ka ordinansa 17 diri ang Regular Ordinance kag 188 ang appropriation ordinance.
Sa bahin sang ordinansa nagpanguna si Board Member Eduardo Magalllanes nga may 178 ka authored ordinance, sa diin 173 diri ang appropriation ordinance samtang sa bahin sang resolusyon nagpanguna sa guihapon si Magallanes nga may 79 authored resolution. Si Board Member Jeffrey Layo naman ang nakakuha sang perfect attendance nga naka atender sa 50 ka sesyon nga guinpatigayon sang 2017.
Ang mga resolusyon kag ordinansa nga natigayon nga nadihon kag naaprubahan sang SP Capiz amo yadtong mga nagapanguna nga proyekto kag programa nga guinaduso sa idalom sang administrasyon ni Governor Tony del Rosario nga nakabulig sang daku sa pumoluyo sa bug-os nga probinsya.
Guinalauman nga sa karon nga 2018 mas madamo pa nga mga programa kag proyekto sang gobierno probinsyal sang Capiz ang igapatuman sa bulig sang Sangguniang Panlalawigan.
(c) Capiz Aksyon News Center
