Davao City – Gipalarga na sa Department of Health Davao Region ang proseso sa accreditation sa Camp General Manuel T. Yan Senior Station Hospital nga nahimutang sa Lungsod sa Mawab, Davao De Oro.
Alayon niini, personal nga mibisita si DOH XI Regional Director Dra.Annabelleb Yumang sa 10TH ID Hospital sa miaging adlaw.
Tumong sa pagbisita ni Director Yumang mao ang pagsusi sa kapabilidad sa mga kagamitan sa ospital ug aron usab ma-facilitate sa pagproseso sa accreditation sa ospital sulod sa kampo.
Kabahin sa tinguha sa DOH XI ug sa 10th ID mao ang pag-istablisar og responsive military treatment facility ug pagsaka sa standard medical facility alang sa mga sundalo ug sa ilang mga pamilya nga masamdan sa giyera ug pagbaton og mga balatian.
Mapasalamaton si Director Yumang sa mainiton nga pagdawat sa 10TH ID kaniya dungan sa pagsaad nga mutabang kini sa pagpadali sa proseso sa accreditation sa ospital sa mga sundalo.
RadyoMaN Joel Viray
Facebook Comments
