Davao City – Angay nga imbestigahan ang usaka opisyal sa nasudnong kapulisan denhe sa akusasyong pagpangulata niini sa usa ka police auxiliary nga nadestino sa Sasa Police Station sa miaging mga adlaw.
Matud ni Davao First District Councilor Ma. Belen Sunga-Acosta, kinsa chairperson sa Sangguniang Panglungsod (SP) Committee on Peace and Order, gikinahanglang imbestigahan ang seryosong akusasyong pagpangulata ni Police Captain Nolan Tagsip ngadto kang police auxiliary Louie Hermosilla.
Segun ni Acosta, mas maayong sutaon usa ang veracity sa maong insidente ug tugtan nga mo-arangkada ang impartial investigation.
Apan kon may kamatooran ang sumbong sa asawa ni Hermosilla, nan angay tugtan ang proper authorities (PNP-RIAS, NBI) nga muhimo sa ilang tahas ug mandato.
Tambag ni Acosta sa biktima nga musang-at gayud og kaso aron mahatagan og hustisya ang gidangatan ni Hermosilla sa kamot sa nasangpit nga opisyal.
Subay sa saysay sa asawa sa nagreklamo kinsa nagpatabang sa DXDC, gikulata ni Tagsip ang iyang partner sulod mismo sa opisina ni Sasa Police Station Commander Maj. De Guzman ug giingong gipugos og paangkon ang pagpatay sa usa ka retiradong seaman sa may Landmark, Panacan ning syudad.
Una niini, giadtoan sa DXDC Investigative Team si Police Captain Nolan Tagsip aron kuhaan sa iyang bahin apan sirado ang iyang buhatan sulod sa Davao City Police Office (DCPO) kagahapong adlawa.
Padayong abli kun bukas ang atong sibyahanan nga madunggan ang kabahin sa maong police officer agig pagpatino sa tanang mga circumstances nga nag-alirong sa gi-alleged nga mauling ug threat incidents.
RadyoMaN Joel Viray
