Davao City – Gipanawagan karon sa chairperson sa Peace and Order Committee sa konseho sa syudad sa Davao ngadto sa mga batan-on nga kung unsa man ugaling ang masinatiang problema, dili molayas gikan sa ilang panimalay.
Sumala ni Davao City 1st District Councilor Mabel Sunga-Acosta, dili angay biyaan sa ‘youth in distress’ ang ilang mga suliran sanglit ang matag problema adunay kasulbaran nga dili angayang layasan.
Dugang ni Acosta nga lantawon sa mga kabatan-onan nga adunay leksyon nga makuha diha sa gidangatan sa usa ka 13 anyos nga menor de edad nga nabuntis ug milayas gikan sa iyang ginikanan ug ang pagtinarong sa pag-eskwela.
Matud ni Acosta, pinaagi niini malikay sila sa bisan unsang mga tentasyon ug bisyo nga makuha gikan sa barkada.
Dugang pa sa konsehala, kung nakatapos na sa high school, mas maayo pang manarbaho inay nga magbarkada-barkada.
RadyoMaN Bernard Pantallon
