Davao City – Giduso sa Alliance of Concerned Teachers-Davao City (ACT-Davao City) Division ang gradual nga face-to-face classes ilawom sa new normal nga set-up taliwala sa giatubang nga COVID-19 pandemic.
Matud ni ACT-Davao City Division president Reynaldo Pardillo sa interbyu sa RMN Davao, nanawagan sila sa gobyerno ug sa Department of Education nga muhimo’g estratehiya nga mahimong posible ang face-to-face classes
Nagtoo si Pardillo aduna gayuy dakong kakulangon ug ang wala gyud nahimong epektibo ang Blended Learning sa pageskwela sa mga kabataan.
Gikinahanglan gayod sa mga estudyante nga mahimamat ang mga magtutudlo aron mas makakat-on og sakto, matud niini.
Sumala ni Pardillo, daghan sa mga bata ang dili makaluhatay sa Blended Learning tungod sa nagkadaiyang factors, sama sa dili makasustenir sa online class nga nagkinahanglan og internet ug daghang sa mga ginikanan ang naglisod sa panginabuhian tungod sa epekto sa COVID-19 pandemic.
RadyoMaN Aimee Guinita
