Davao City – Gikatakdang magpulong ang mga magtutudlo nga sakop sa Alliance of Concerned Teachers (ACT)- Davao alang sa pagpangita og paagi og unsaon pagpagamay sa ilang gipangayong subsidiya ngadto sa lokal nga gobyerno dinhi sa dakbayan.
Sumala ni Elenito Escalante, presidente sa ACT-Davao nga gikalipay nila ang pag-atubang ni Davao City Mayor Inday Sara Duterte sa ilaha kagahapong adlawa bisan pa man mibalibad ang alkalde sa 406 million pesos kada tuig alang sa ilang gipangyo dugang allowance.
Samtang gipasabot ni Mayor Inday kanila nga walay legal nga basehan sa balaud ang paghatag og maong kantidad ngadto sa nga empleyado sa national government apan willing ug nangayo og bag-ong proposisyon ang mayora bahin sa mga subsidiyang gipangayo sa mga magtutudlo sa syudad sa Davao.
RadyoMaN Renz Barbarona
