ACT to Sara: Unta maging malumo ang iyang kasingkasing

25

Davao City – Naglaum gihapon ang Alliance of Concerned Teachers (ACT) Davao nga dunggon ni Davao City Mayor Sara Duterte-Carpio ang gi-request nga ‘adjusted allowance’ sa mga magtutudlo.

Sa pakighinabi sa DXDC RMN Davao kang ACT-Davao City Chapter President Reynaldo Pardillo, gibutyag niini nga ilang gi-respito ang desisyon sa alkalde nga dili na makig-istorya kanila.

Gisaysay ni Pardillo nga ilaha na lamang ipaabot ang ilang mulo kang Davao City’s schools division superintendent Dr. Maria Ines C. Asuncion nga maoy buot mahinabi sa mayor labot sa problema sa mga magtutudlo.

“We will channel our communication, our demand kang schools division superintendent nga si ma’am Ines,” segun niini.

Giklaro ni Pardillo nga adunay nahatag ang syudad kanila apan kini mao ang ‘gift check’ ug dili ang allowance nga ilang gipangayo.

“Ang allowance ug ang gift check lahi man gyud sya. Ang gift check that is P2,000 every year. Samtang ang allowance man gud nga dapat ma receive unta is every month. So, gift check and allowance is different,” tataw niini.

Gipasabot usab ni Pardillo nga kung itandi sa ubang mga syudad sa nasud ang Davao lamang ang wala nagahatag sa nahisgutang teacher’s allowance. Bisan pa man nanghinaut ang grupo nga i-grant gihapon sa mayor ang ilang gi-request.

“Mapasalamaton gihapon mi ug nag-ampo. Naglaum nga maging malumo ang iyang kasingkasing,” saysay niini.

Kahinumduman nga gibutyag ni mayor Duterte nga dili na kini makig-istorya sa ACT-Davao labot sa maong hisgutanan.

RadyoMaN Kirby Manzon

Facebook Comments