Davao City – Nanawagan ang Barangay Council sa Barangay Pangaleon, Malita, Davao Occidental, nga matagaan ug hinanaling hustisya ang kamatayon sa ilang kapitan nga si Brgy. Captain Isabelo Masiwel II, human nga gipusil patay sa wala mailhing armado alas 3:20 sa hapon niadtong Agosto 30, 2025, sa Barangay Tubalan, Malita, Davao Occidental.
Sa interbyu sa DXDC RMN Davao kang Acting kapitan Maria Masiwel Laginan sa Barangay Pangaleon, nga iyaan sa biktima, siya miingon nga walay sala ang iyang pag-umangkon nga brutal nga gipatay.
Sumala pa ni Kagawad Laginan, nanawagan usab ang katawhan sa ilang barangay nga matagaan og igong hustisya ang kamatayon sa ilang kapitan.
Kagahapon, Setyembre 1, 2025, gidala na ang patay nga lawas ni Kapitan Masiwel sa ilang pinuy-anan sa Barangay Pangaleon, diin ipahilona kini sa iyang pamilya.
RadyoMan Don Pulayao
Facebook Comments
