Davao City- Gihulat karon ni Davao City acting Vice Mayor nga si Bernard Al-ag ang oath-taking aron opisyal na siyang mulingkod isip bise mayor dinhi sa syudad.
Sigun kang al-ag atol sa Pulong-Pulong ni Pulong kaganina, parte ang oath taking sa transition period sa posisyon human mi-resign si Paolo ‘Pulong’ Duterte ug gidawat ni Presidente Rodrigo Duterte ang resignation niini.
Dugang niini, misaad si Al-ag nga ipadayon ang mga nasugdan nga programa ni Pulong.
“Number one expectation is we will continue all the programs of Vice Mayor Paolo Duterte and that’s include the Pulong-Pulong ni Pulong and we will contine this media forum every Tuesday and we will remain the name of the program Pulong-Pulong ni Pulong,” sigun ni Al-ag.
Lauman usab sa iyang paglingkod ang padayong lig-on nga suporta sa City Council ngadto sa mga programa ni Davao City Mayor Inday Sara Duterte-Carpio, dali nga access sa impormasyon ug systema sa konseho nadto sa publiko pinaagi usab sa online presence sa ginabuhat nila ilabi na ang pagpalig-on sa pakiglambigit sa publiko.
Samtang naghulat usab si Al-ag sa oath taking, ang posisyon usab niya isip konsehal magpabiling bakante hangtod nga magbutang og laing konsehal si Presidente Rodrigo Duterte dinhi sa syudad sa Davao.
RadyoMaN Renz Barbarona
