Jamindan, Capiz- Ginpatigayon sang pamunoan sang Philippine Army ang send-off ceremony para sa 94th Infantry (Mandirigma) Battalion sa covered gym sang 3rd Infantry (Spearhead) Division sa Camp Peralta, Jamindan.
Ini amo ang bag-o activate nga batalyon kag amo man ang natalana nga igapadala sa isla sang Negros.
Ginpangunahan ni 3rd ID Commander Brigadier General Dinoh Dolina ang amo nga seremonya kadungan sang closing ceremony sang organizational training sang 94th IB.
Nahibaloan nga ang amo nga batalyon ang ginabug-osan sang 500 ka mga kusganan kag proficient officers kag enlisted personnel sa pagpanguna ni Lt. Col. Carlo Ferrer.
Sila ang iga-augment sa 303rd Infantry (Brown Eagle) Brigade sa isla sang Negros matapos ang madinalag-on nga completion sang organizational training nga gindisenyo para sa counter-insurgency operations kag iban pa nga trainings.
Bangod sa amo nga deployment sang panibag-o nga batalyon, maga-angkon sang apat ka mga infantry battalions ang Negros Island kalakip ang 62IB, 79IB kag 15IB.
Sa madumdoman, pormal nga gin-activate ni AFP Chief Lt. Gen. Rolando Joselito Bautista ang 94IB sang nakaligad nga Mayo 10, 2018 kadungan sang 44th founding anniversary celebration sa 3ID sa Camp Peralta, Jamindan, Capiz.
-via Unifier Batallion FB page
*tags:Visayas,Roxas,DYVR,DYVR657,Capiz,3rd Infantry (Spearhead) Division,94th Infantry (Mandirigma) Battalion,Camp Peralta,Unifier Batallion*
