Davao City – Walay nakitang sayop ang Christian and Missionary Alliance Churches of the Philippines (CAMACOP) sa direktang panghilabot sa mga lider sa kasimbahanan sa atong panggobyerno karon.
Sumala ni CAMACOP Minister Dr. Ira Lee Rosalita, ang matag usa dunay katungod sa pagpuna sa namumo sa kagamhanan bisan pa og usa ka lider sa simbahan.
Diin ang pagbatikos ug panghilabot sa lider sa mga relihiyon sa kagamhanan pinaagi lang sa usa ka pribado nga barugan ug dili ang paggalgal sa tibuok simbahan pinaagi sa homily.
Segun ni Rosalita, aron walay mo-ulbo nga bangi sa gobyerno ug sa simbahan mas maayo’ng buhaton mao ang paghilabtanay sa tagsa-tagsa ka trabaho ug responsibilidad.
Gipasabot pa ni Rosalita nga lahi ang trabaho sa gobyerno ug lahi sab ang trabaho sa simbahan apan kun ang usa kanila manghilabot sa trabaho dinha na magsugod ang pag-ulbo sa bangi sa duha.
Sa dugang tan-aw pa ni Rosalita, walay bug-at nga rason aron hukman si Pres. Rodrigo Duterte sa iyang gipanulti batok sa Dios sanglit ang Ginoo lang ang dunay katungod sa paghimo sa ingon.
RadyoMaN Joel Viray
