ACTS Teachers Partylist: Pagbaklas sa mga wall decorations sa classroom ‘unreasonable’

Davao City – Gikontra sa ACTS Teachers Partylist ang DepEd Order No. 21, series of 2023 o ang mando sa pagpatangtang sa mga bisan unsang disenyo o posters lakip na ang visual learning aids sa mga tulunghaan ilawom sa Department of Education (DepEd) tungod kini ‘unreasonable’ ug nakababag sa academic freedom sa mga magtutudlo.

Sa pakighinabi ni RadyoMan June Duterte atol sa Straight to the Point Morning Edition kang ACTS Teachers Partylist Rep. France Castro, iyang gibarugan nga ang maong kamanduan sobra ra ug kini dili makatabang sa mga estudyante ilabi na niadtong mga visual learners na nagkinahanglan og mga malantaw na learning aid sa klase.

“Yung Magna Carta for Public School Teachers nakalagay sa section 12 na yung academic freedom refers to the teaching methods ng mga teachers so dapat hindi ito hinahadlangan no,” matud pa ni Castro.

Dugang sab niya nga mas angay tun-an karon ang sugyot nga kuhaan ang oras sa klase nga posibleng makahatag lang og kakulian maong opinyon sa ilang partylist na mas maayong ang gidaghanon na lang sa mga estudyante sa matag classroom ang kuhaan aron nga matutukan sila sa mga magtutudlo ug aron duna sab igong oras ang mga bata nga makatuon.

RadyoMaN Ivy Parido