Davao City – Wala gihapon makaduot ang daghang mga balaod aron mapapas ang stigma ug diskriminasyon nga nasinati sa mga sakop sa Lesbian, Gay, Bisexual, Transgender & Queer kun LGBTQ community.
Gipalanog sa LGBT Advocate nga si Presidential Commission on Urban Poor (PCUP) Commissioner Norman Baloro nga daghan gihapong sakop sa LGBTQ nakatilaw og diskriminasyon tungod sa ilang gender preference and orientation.
Matud ni Baloro, ang kakulang sa edukasyon sa LGBTQ ang culprit ngano muingon ang uban nga wala gayuy si binsa kinsa ang makadawat sa ilang kahuyang ug pag-usab sa ilang pagkatawo.
Busa malaumon ang opisyal nga makatabang ang lahi-lahi nga kolor sa Pedestrian Pride Lane sa dalan sa Barangay Lapu-Lapu ning siyudad sa damgo sa LGBTQ nga sila madawat na sa sosyedad.
Ang Pedestrian Pride Lane aduna matud pa’y positive ug negative impact apan sa laing bahin mao usab kini ang mag-edukar sa publiko nga ang LGBT gilangkuban diay kini sa binabayi, lakin-on, ug uban pa.
Gawas niini, ang Pride Lane magsabwag usab og awareness sa kadaghanan labot sa mga balaod sama sa Anti Bastos Law nga manalipod sa katungod sa LGBTQ niining modernong panahon karon.
Aminado ang Commissioner nga dili tanan malipay ug hayan mawala ang tumong sa pagbutang og Pride Lane kung mismo ang LGBTQ dili magpakita og respeto sa kaugalingon.
Hinoon, nasayod si Baloro nga kinaiya sa kadaghanan ang pagkamahukmanon hilabi na kung masayran nga nataptan na og makamatay nga balatian nga AIDS ang usa ka binabayi kun sakop sa LGBTQ.
Busa gihagit sa Urban Poor Commissioner ang LGBTQ nga dili magpabadlong ug likayan ang paghimo og dili maayo panahon sa kagabhion aron murespetar ang katawhan ngadto kanila.
RadyoMaN Joel Viray
