Davao City – Dili lang kaanyag ang ginahatagan og pagtagad sa Mutya ng Davao 2018.
Sa gipahigayong media presentation sa top 15 kaganina, gipabuhagay sa mga kandidanta ang ilang nagkalain-laing adbokasiya.
Sama nalang sa kandidata nga si Sharmaine Rose Ledesma diin iyang gusto ipahibalo sa tanang Davaoeños nga tinuod ang depression ug buot usab niya hatagan og importansya nga adunay makatabang sa mga naga-agi niini samtang ang uban kandidata mipadayag sa ilang adbokasiya sama sa pagpartisipar sa educational campaign alang sa responsableng paggamit sa social media.
Dugang niini, ang ubang kandidata nagbutyag kabahin sa environmental preservation, paghatag og suporta sa mga persons with disabilities ug senior citizens.
Sunod nga atangan sa mga dabawenyo sa Mutya ng Davao mao ang talent competition karong Marso 13 nga ipahigayon sa usa ka mall sa Bajada ning syudad.
Ang Mutya ng Davao usa sa sa mga major events sa selebrasyon sa Araw ng Dabaw.
RadyoMaN Renz Barbarona
