Un detainee del Central Police Station ya sale otravez arestao cuantos hora depsues este ya escapa desde na Zamboanga City Medical Center del Lunes tarde.
Si Omar Indasan y ALih, alias Hogan, Reynan Napalcruz Bernardo, 23, casao de Asinan, Kasanyangan ya sale arestao del Domingo na asunto de droga.
Donde el maga pulis del Central Police Station amo el quien ya areste conele.
Del Lunes tarde ya reclama le asegun ta tormenta le resulya.
Porcausa con este, el maga personajes de medical ya recomenda con el pulis para lleva con Indasan na hospital.
Pero cuando na hospital ya sila, derepente ya puede escapa si Indasan.
Maga pulis dayun ya conduci el hot pursuit operation hasta ya alcansa lasada alas 8 del noche donde ya puede siempre conele aresta na Asinan, Kasayangan.
Con Indasan ya detene otravez na mencionao estacion.
