ILOILO CITY – Magasapol ang ADHOC committee bwas nga adlaw agud magconsolidate sang ila imbestigasyon sa gina-alegar ma-anomaliya nga pagpaggwa sang bugas sa CIty Social Welfare and Development Office.
Suno kay ADHOC Committte Chairman City Legal Officer Atty. Lorna Laurea, kumpleto na ang ila kinahanglanon nga ebidensya sa anomaliya sa CSWDO.
Ipaidalum sang committee sa maid-id nga evaluation ang mga ebidensya kag testimoniya agud matumod kun ano ka bug-at ang mga ebidensya batok sa mga ginareklamo.
Pasalig ni Laurea wala nakaapekto sa ila imbestigasyon ang natabu nga pagransack sa CWSDO bangud nauyatan na nila ang mga kinahanglanon nga ebidensya kag dokumento.
Matandaan nga ginbuyagyag sang RMN Iloilo ang nakita nga pagdeliver sang bugas sa tyangge sang driver sang CSWDO nga si Jonathan Celiz.
May nakita man nga mga indi mareconcile nga data sang mga nagasulod kag nagagwa nga mga stocks.
