Adlaw sa mga Subanen sa lungsod sa Katipunan saulogon karong Oktubre 29, 2018

63

Katipunan, ZDN- Taliwala sa kasamtanang ekonomikanhong disbentaha tungod sa pagsaka sa mga palaliton, ang katawhang subanen sa katipunan, Zamboanga del norte mapadayunon ug pursigidong naningkamot aron mapatigbabawan ug mapahigayon ang ikaupat nga pagsaulog sa adlaw sa mga lumad niining maong munisipyo.

Ang krisis sa panginabuhi nga nasinati sa katawhan ilabina sa mga Subanen sa kabanikanan dili makababag sa pagpahigayon ug paglunsad sa mga kalihukan aron mahimong mabulokon ug undanon ang mga giandam nga mga kahimon niini.

Ang mahiusahong kinaiya sa mga Subanen sa katipunan maoy nakapalig-on sa grupo aron iasdang ang interes nga makaangkla sa kausaban sa katilingban.

Ang mga lider subano sa mapugsanong pagpasagop langyawng kultura ug mga bag-ong teknolohiya diin ang uban makapaspas sa pagpanas niini.

Gipasalamatan ang mga lider sa lokal government unit sa katipunan sa mainitong suporta aron matubag ang mga panginahanglan sa katawhang Subanen niining maong munisipyo.

Ang paghatag og pundo matag tuig aron magamit panggastos sa mga kahimoang pang Subanen maoy dili makalimtan diin adunay dakong tampo ug nakapasayon sa pagpalig-on sa Tribo.

Oktubre 29, 2018 kini ang petsa nga gideklara nga isaulog ang adlaw sa mga Subanen sa Katipunan. Kini usab ang higayon nga ipasaksi sa publiko ang nahan-ay nga mga kalihukan ug programang pangkultural isip timailhan nga adunay lahi nga kulturang gisunod gikan pa sa kaapohan sa dili na madumduman nga panahon.

Ang katawhang Subanen sa katipunan moaghat sa tanang dumadapig, grupo o indibidwal nga nagpakaban alang sa kaayohan sa tribo nga motambong aron mosaksi sa mga giandam nga kalihukan ug programa pagsaulog sa adlaw sa Subano karong oktubre 29, 2018 didto sa Municipal Gymnasium sa lungsod sa Katipunan, Zamboanga del norte sa may 9:00 sa buntag hangtod Hapon.

Facebook Comments