Davao City – Iduso karon ang administrative case batok sa usa ka pulis nga aksidenteng nakapusil sa usa pa ka pulis sa Digos City.
Sumala ni Police Regional Office kun PRO XI PCI Milgrace Driz atol sa AFP-PNP presscon nga ginaimbestigahan nila karon ang maong panghitabo human sa aksidenteng pagpabuto sa pusil subay sa palisiya ug sumbanan sa PNP.
Dugang niya nga og ugaling dili mupasaka og criminal case ang napusilan nga si Police Officer 3 Romy Cruz, padayon gihapon ang pagpasaka og kasong admin batok sa nakapusil nga si Police Officer 1 Jeffrey Baluya.
Kahinumduman nga base sa report, galimpyo si Baluya sa iyang Glock 17 (9mm) pistol dihang kalit kining mibuto og aksidenteng naigo sa tiyan si PO3 Cruz.
Sa karon, luwas na ang samarang pulis nga padayon pang nagpaalim sa balay-tambalanan samtang ang nakapusil gipailawom sa restricted custody human sa insidente.
RadyoMaN Renz Barbarona
