Matud ni Police Major Catherine Dela Rey, PRO 11 Spokesperson, muarangkada na usab ang summary hearing sa admin case niini subay conduct unbecoming of public officer human gilagdaan ni Regional Director Police Brigadier General Alden Delvo ang resulta sa gihimong evaluation sa insidente.
Segun ni Dela Rey, adunay probable cause nga nakita atol sa pre-charge investigation.
Gibutyag niini nga iagi sa PRO 11 og due process ang tanan ug atol sa hearing hatagan karon og higayon si Uyanguren nga makaesplekar sa iyahang kaugalingon may kalabutan sa pagkahaw sa iyahang helper.
Nagpabilin gihapon si Uyanguren sa Regional Personnel Holding and Accounting Unit (RPHAU) apan wala kini naka-restrictive custody.
Gipanganti gayod sa PRO 11 nga mamahimong patas ang kapulisan sa pagsolbad sa kaso sa na-missing nga si Saldua.
Samtang, sumala ni Police Captain Hazel Tuazon, Davao City Police Office (DCPO) Spokesperson nag-agad pa sila sa mga makalap nga ebidensya ug wala pay napasakang criminal case kang Uyanguren.
Nagpadayon ang Special Investigation Task Group sa imbestigasyon aron makita na ang nahanaw nga helper.
RadyoMaN Aimee Guinita
