Sa interbyu sa DXDC RMN Davao kang Patrolwoman Janice Joseco, Police Community Relation (PCR) Clerk sa Santo Tomas MPS, gibutyag niini nga niadto pang miaging tuig ilang gisugdan ang aktibidad diin tumong sa pagtabang sa mga pamilya nga nagkinahanglan.
Matud ni Joseco, matag semana nilang ginahimo ang “Adopt A Family” Project diin ilang ginatunolan og bugas, canned goods, sabon, ug uban pa ang mga nanginahanglang residente nga sagad anaa sa lagyong sitio o lugar.
“Sa amoa diri naa mi mga stakeholders parehas anang bugasan, ginagatagaan lang ‘mi nila og bugas. Kung walay makadunol unya weekly man namo sya ginabuhat, amoang COP or diri sa amoang istasyon naga ambag-ambag ‘mi,” sulti ni Joseco.
Nagpasalamat usab ang Sto. Tomas MPS sa suporta sa komunidad alang sa maong proyektong pagtabang sa mga indibidwal nga labing nanginahanglan.
RadyoMaN Kirby Manzon
