Luyag nga pahapuson sang isa ka mamalidha ang proseso sang pag-adopt sa pungsod.
Sandig sa ginpasa nga House Bill No. 76 ni Northern Samar Rep. Paul Daza, luyag sini nga administrative proceeding na lang ang tanan nga adoption cases.
Sa idalum sang hagna, yara na sa kamot sang Department of Social Welfare and Development (DSWD) ang pag-isyu sang adoption papers nga indi na mag-agi pa sa korte.
Suno kay Daza, sa sini nga paagi mas makatipid ang adoptive parents samtang mas daku man ang tsansa nga matutukan ang bwas damlag sang mga gin-adopt.
Sa sini nga pamaagi, mabuhinan man ang madamo nga kaso sa mga korte.
Sa idalum sang laye sang Pilipinas, mabudlay kag magasto ang mag-adopt bangud sa malaba kag malawig nga proseso.
Facebook Comments
