Caso de adultery el ya somete el pulis junto con el reclamo del un 54-año prominente persona na fiscalia contra consu esposa y con el deste querido despues ya alcansa canila adentro del un motel del Domingo por la noche.
Asegun na report del pulis, del Lunes ( es ayer) cuando yan inquest na fiscalia con el dos por el caso de adulterio.
Pero dayun ambos sila dos ya paga el fiansa valor de P12,000 cada uno para el diila temporary libertad.
Acordando del Domingo serca man meja noche mismo el esposo del 44-año mujer ya pidi asistencia con el Sta. Maria Police Station despues este ya columbra con su esposa ya entra na motel na TUmaga Porcentro junto consu querido un 38-año de edad persona.
Cuando ya responde el maga pulis junto con el reclamante, ay cuji na acto con el dos adentro del un pusento del motel.
Dayun canila ya aresta el maga pulis y ya lleva na estacion hasta na plantada del caso na corte.
