Davao City – Gipaniguro sa lokal nga panggamhanan sa Davao nga luwas sa COVID-19 ang subling pag-abli sa Roxas Night Market.
Gibutyag ni Roxas Night Market Overseer ug CSU OIC Mario Galendez, nagbantay ang mga health ug security personnel aron mamintinar ang safety sa publiko.
Segun ni Galendez, kung adunay positibo sa kabanay sa usa ka vendor dili na gayud tugutang makatinda.
“Kung ang vendor positive dili na gyod namo patindahon kay mao man gyod na ang mando sa atoa. Wala na gyod silay chance nga makabaligya og mag-positive sila pati na ang ilahang mga igsuon ug paryente halimbawa muhangyo sila, dili gyod pwede. Naa man tay daghang reserved nga mga vendors pod so didto mi manguha sa mupuli sa ilaha,” sumala niini.
Niadtong Sabado pormal nga gi-ablihan pagbalik sa publiko ang Roxas Night Market.
RadyoMaN Aimee Guinita
