Advisers manubag kung adunay mahitabo sa estudyante during class hours —School Head

Davao City- Gimanduan ang tanang principals ug class advisers ilawom sa sa Cluster 2 Schools dinhi sa syudad nga pahugtan ang ilahang seguridad ug pagbantay sa mga estudyante.

Sa interbyu sa RMN Davao kang Romeo Camilotes, DedEd Davao City Cluster 2 Schools Acting Supervisor, responsibilidad sa mga magtutudlo ang ilahang mga estudyante ilabina kung oras sa tingklase.

Busa alang ni Camilotes kung adunay insidente nga nalambigit ang mga learners manubag gayod ang mga class adviser.

Gimanduan niini ang tanang principals ug teachers sa Cluster 2 nga pahugtan ang koordinasyon ug komunikasyon sa mga ginikanan pinaagi sa Group Chat.

Gibutyag niini sa giestablisar nga group chat aron paspas ang impormasyon ug pagpahibalo sa mga teachers sa matag aktibidad ug pagmonitor sa mga bata atol sa klase sa ilahang mga ginikanan.

Kung wala man nisulod ang mga estudyante o nag-cutting class kini kinahanglang pahibal-on parents o ang prefect of discipline.

RadyoMaN Aimee Guinita