Davao City – Bisan pa man kun gipakusgan ang adbokasiya batok sa
pagpangabuso ngadto sa komunidad ug tunghaan, dili sa gihapon malikayan ang
mga pinakalit nga insidente sama na lamang sa nahitabong pagkasunog sa 3
anyos nga bata.
Kini mao ang gipamahayag ni Quick Response Team for Children Center – City
Social Services and Development Office (QRTCC-CSSDO) head Juenalyn Pablo sa
pakighinabi kaniya sa tulumanong ‘Straight to the Point’.
“Ang insidente kalit lang bisan tuod nakatawag sa 911 pero nasunog na ang
bata,” segun ni Pablo.
Kasamtangang gihaya karon sa Angel Funeral ang tres anyos na bata samtang
gi-asikaso ang mga dokumento niini ug mapasakaan og kaso ang amahan.
Dugang sa QRTCC-CSSDO head nga nasayod na si Davao City Mayor Inday Sara
Duterte-Carpio kabahin sa gidangatan sa maong bata diin nasubo kini.
Gani, gi-awhag ni Pablo ang publiko nga i-report gilayon kung aduna may
namatikdang dili maayong kahimtang sa usa ka bata pinaagi sa Kian Gabriel
Hotline nga 0908-818-4444.
RadyoMaN Jason Amisola
