GENERAL SANTOS CITY- Nagsugod na ang Philippine Coast Guard sa ilahang search and rescue operation sa 12 ka pinoy nga tripulanteng sakay sa fishing vessel nga Liberty 5 human magbanggaanay sa Hongkong Flagged vessel nga MV Vienna Wood.
Base sa report nga nakaabot sa PCG natigayon ang collission sa duha ka sakayanang pangdagat sa kadagatang bahin sa Oriental Mindoro.
Matod kay PCG Spokesman commodore Armand Balilo nag deploy na sila og mga barko nga motabang sa ipahigayong operasyon lakip na ang BRP Boracay nga anaa sa Mamburao, Occidental Mindoro na samtang pipila ka gidugang na rescue team ang motabang usab gikan sa Port og Batangas.
Karong buntag lamang gisugdan sab sa PCG ang aerial survey gamit ang Islander Plane ug twin engine helicopter aron mapapaspas ang pagpangita sa mga na-missing nga tripulante.
Kahibaw-an nga ang MV Viena Wood gikan sa Subic ug paingon unta sa Australia samtang ang gisakyang bangka sa mga pinoy ang nakabase sa Cagayan de Tawi-Tawi ug paingon unta sa Navotas Port.
For more info’s and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: philippine coast guard search.jpg]
