Bacolod City – Nakahanda na ang Ceres Negros FC sa pagpadayon sang 2017 AFC Cup Group G sa diin sa maabot nga Martes, Marso 7 ara naman sa ila ang home-court-advantage bangod sa diri sa Panaad Park and Stadium ang hampang kontra sa Tampines Rovers FC sang Singpore.
Ang grupo sa ila pagbalik sa probinsya ang nagcourtesy call kanday Mayor Evelio Leonardia kag Negros Occidental Governor Alfredo Marañon, Jr. sang Miyerkules.
Ang team ang may record nga draw kontra sa Ha Noi FC sang Vietnam sa AFC Cup Group G opener sa My Dinh National Stadium sang nakaligad.
Ginpahayag ni Coach Risto Vidakovic nga ang draw kontra Vietnam ang may maayo nga resulta bangod pila gid lamang ka tune-up games ang natabo antis ang hampang.
“We played several games in Singapore and in Manila but, it’s not the same when you play in a league competition”, pahayag ni Vidakovic.
Nagapangayo naman sang suporta sa mga Negrosanon si Co-captain Martin Steuble lakip man ang Co-skipper sang team nga si Michael Casas. Para sa ila daku nga pressure sa pangontra ang Panaad Park bilang venue bangod na-obserbahan man sini sa mga nakaligad nga hampang ang full-support sang mga football fans sa probinsya.
Para naman kay Carli de Murga, inspirasyon nila ang matunog nga singgitan sang crowd, nga amu naman ang nagahatag sa ila enerhiya para madaog ang hampang./ DYHB-Bacolod
