Sa interbyu sa DXDC RMN Davao kang Alcherie Patino, AFFFIC Spokesperson, gitataw niini nga sila wala nag-discriminate sa bakunado o dili bakunado batok COVID-19, diin buot lamang nila nga magbaton og awareness ang mga ginikanan o mahunahuna pag-ayo una modesisyon nga pabakunahan ang ilang mga anak ilabina gyud kadtong menor de edad.
Gipunto usab sa AFFFIC, angay panalaminan sa mga ginikanan ang nahitabo kaniadto sa Dengvaxia, usa ka dengue vaccine diin ubay-ubay ang natalang namatay.
“Dili ‘mi against sa COVID-19 vaccination. What we are against for is ‘yung hindi siya i-mandatory dahil may pro-choice. Kami talaga sa AFFFIC is pro-choice. Kung ano ‘yung sa tingin ng magulang, nga mga adult na tama para sa kanila, ‘yun ang gawin nila pero hindi dapat kami ma-suppress doon sa nais lang naman naming magpaabot na ma-aware ang ibang mga magulang. Dahil hindi naman lahat ng mga magulang na may ganito palang batas. Ang amoa man tanang tuyo is to make an awareness lang naman sa mga ginikanan na i-weigh in nila prior sila magbapabakuna sa ilang mga anak tungod kay dili na man siguro bag-o sa atoa ang kadtong una nga nahitabo sa Dengvaxia,” tataw ni Patino.
Samtang, giklaro usab ni Dr. Michelle Schlosser, Spokesperson sa Davao City COVID-19 Task Force (sa interbyu sa city-owned radio), niagi sa masusing pagtuon ang bakuna una kini giaprubahan aron magamit sa publiko ilabina sa kabataan rason nga walay angay ikabalaka ang mga ginikanan, diin makita usab sa datus karon nga kini dakong tabang sa pagpa-ubos sa COVID-19 cases.
“Vaccination is not mandatory, but if you truly love your children, kung palangga gyud ninyo ang inyohang mga anak, inyohang mga loved ones, one of the ways to protect your loved ones sa COVID-19 is through vaccination,” sulti ni Schlosser.
Sa pagkakaron, padayong giinbestigahan ang gihimo sa grupo diin andam usab sila nga atubangon ug makigdayalogo sa City Government of Davao.
RadyoMaN Kirby Manzon
