Davao City – Nanghinaut ang Alliance of Filipinos for Freedom and Informed Choice (AFFIC) nga makab-ot ang hustisya sa kamatayon sa pagpusil-patay sa businesswoman nga si Yvonette Plaza niadtong Disyembre 2022.
Sa interbyu sa DXDC RMN Davao kang Pastora Alcherie Patino sa AFFIC, gisaysay niini nga makatabang man ang P1M reward money nga gitanyag sa kapulisan, apan mas maayo kung adunay isog nga saksi ang mutabang aron mas mapadali ang inbestigasyon.
“Tagaan lang siguro nato og chance ang atoang kapulisan nga mahimo nila ang ilang trabaho. Kita pud nga mga nagatan-aw sa unsa ang mahimong dagan ani nga kaso, fair lang pud ‘ta to see things,” sulti ni Patino.
Gawas sa reward money, aduna na usay gimugna ang awtoridad nga Special Investigation Task Group (SITG) diin dakong tabang kini aron mapadali nga mapanubag ang suspek ug makab-ot ang hustisya sa krimen.
RadyoMaN Kirby Manzon
Facebook Comments
