Bisan ug gipakagamay lang sa AFP Central Command ang hulga sa CPP-NPA nga moatake sa mg sundawo apan wa molugak ang militar sa pagbantay batok sa ilang mga kaaway .
Gipahayag kini sa tigpamaba sa AFP Centcom nga si Colonel Medel Aguilar human ang founding chairman sa Communist Party of the Philippines nga si Jose Maria Sison nibahad nga ang New People`s Army mopatay ug usa ka sundawo matag adlaw.
Nibahad niini si Sison aron puwersahon ang gobyerno nga mobanhaw sa peace talks tali sa CPP-NPA.
Nagtoo si Aguilar nga di motoo ang NPA ni Sison ug usa sa pruweba niini nga wa tumana ang iyang gimando niadto nga ceasefire tali sa gobyerno, apan padayon ra gihapong nangatake ang NPA didto sa Mindanao.
Dugang ni Aguilar nga dinhi sa Central Visayas , daghang mga rebelde ang gustong mobalik na sa sabakan sa balaud .
