AFP CHIEF OF STAFF LTGEN. BACARRO: ‘IPAGPATULOY ANG TAGUMPAY PARA WAKASAN ANG INSURGENCY’

Hinimok ni AFP Chief of Staff Lieutenant General Bartolome Vicente Bacarro na ipagpatuloy ng mga kasundaluhan ang kanilang tagumpay laban sa mga makakaliwang grupo upang tuluyan ng wakasan ang insurhensya sa bansa.

Ito ang kanyang binigyang diin sa kanyang naging mensahe matapos bumisita sa 502nd Infantry Brigade na nakabase sa Echague, Isabela.

Gayundin, hinikayat ang lahat na panatilihin ang pinakamataas na pamantayan ng disiplina, habang pinapahusay at pinapalakas ang mga kakayahan sa pagpapatakbo ng organisasyon upang maabot ang pinakamataas na potensyal na makamit ang misyon ng yunit.

Inihayag ng heneral ang kanyang pasasalamat sa pagsisikap ng 502IB Troopers para sa mga nagawa nila sa pagpapanatili ng kapayapaan at seguridad sa rehiyon sa panahon ng kanyang “Talk to the Troops”.

Si LtGen Bacarro ang dating at ika-26 sa linya ng mga Commander ng 502nd Infantry (LIBERATOR) Brigade.

Sa kanyang panunungkulan, pinadali niya ang pagbuwag sa Southern Front Committee Komiteng Rehiyon-Cagayan Valley.

Pinamunuan niya ang LIBERATOR Troopers sa kanyang mantra na “Doing Common Things Uncommonly Well.”