Davao City- Paabuton sa Armed Forces of the Philippines (AFP) ang mamahimong desisyon sa kongreso kalabutan sa gi-sumiter nga letter-request ni President Rodrigo Duterte nga paglugway sa balaud-militar sa Mindanao sa dugang usa pa ka tuig.
Gisugilon ni 10th Infantry Division (ID) Philippine Army Commander Major General Noel Clement atol sa interbyu sa DXDC RMN Davao nga gumikan sa nagpadayong hulga sa terorismo ug sa mga gihimong mga recruitment sa mga terorista, ni-rekomendar sila ngadto sa presidente nga i-extend pa ang martial law hangtud December 2018.
Matud ni Clement, gikinahanglan sa security forces ang gahum sa balaud-militar aron magukod ug mapugngan pa nila ang pagkuyanap sa terorismo sa nagkadaiyang parte sa nasud.
Sumala sa military commander nga usa usab ang NPA sa mga hulga nga gikinahanglang atubangon sa militar ug kapulisan.
Kung maaprobahan ang martial law extension, mag-agad usab ang armadong kusog sa pamuno-nasud kung aduna pa kini idugang sa probisyon o dugang pa nga pwersa.
RadyoMaN Aimee Guinita
