Davao City – Mahinungdanon para sa kasundaluhan ang pagsurrender ni Anakpawis-Mati Chapter Chairwoman Gemma Burgos Quiroga didto sa Lupon, Davao Oriental.
Gibatbat ni Ltc. Ramon Zagala, Commander sa 28IB, nga nagsumikad mismo gikan kang Quiroga ang iyang mga rebelasyon kalabot sa iyang pagsurrender og dili kini mugna lamang sa militar.
“It is natural for Anak Pawis to deny but the fact remains. The statement of Gemma Burgos Quiroga is sa kanya, hers and hers alone and it was not fabricated in fact to be honest we didn’t know of her existence prior to her surrender,” segun ni Zagala.
Sumala ni Zagala napamatud-an usab pinaagi sa mga gipresentang mga dokumento ug mga ebidensiya ni Quiroga ang lawom nga koneksyon sa NPA ug mga legal fronts.
“One of her duty as a chairwoman of Anakpawis in Davao Oriental is to distribute letters of support or simply put their extortion letters, she brought to many. For us, It shows a connection between the legal front organizations and the red area or the armed struggle,” matud ni Zagala.
Kahinumduman sa gipagulang press release sa Anakpawis niadtong Enero 29 ginganlan ni Anakpawis Party-List Representative Ariel Casilao ang 10ID nga bakakon ug mugna lamang ang maong isyu.
Matud ni Casilao nga dili si Quiroga ang chairwoman sa Anakpawis Mati Chapter kundili mao si Artemia Olivar.
Nag-imbento lamang kuno og istorya si Quiroga ug nagpagamit sa iyang mga handlers nga mga militar.
RadyoMaN Aimee Guinita
