Davao City – Gikonsidera sa Armed Forces of the Philippines (AFP) nga isolated case ang nahitabong pagpusil-patay sa duha ka sundalo ug pagka-angol sa usa pa nga hinimuan ra usab sa kaubang sundalong nag-wild sa headquarters sa 10th Civil Military Operations Battalion sa Barangay San Agustin, Tagum City, Davao del Norte, pasado alas 6:00 sa gabii (November 2, 2021).
Sa AFP-PNP Southern Mindanao Presser, giila ni Captain Mark Anthony Tito, 10th Infantry Division Skpokesperson ang suspek nga si Staff Sergeant Arvin Bureros, 46-anyos, taga Kapalong, Davao del Norte samtang ang mga biktimang namatay mao sila Major Franklin Embat ug Technical Sergeant Sandatu Tuma ug ang samaran mao si Major Mineheart
Maliawao.
Matud ni Captain Tito, kapin duha ka dekada na sa serbisyo si Bureros diin kini qualified na sa ‘early retirement” gani Mapinanggaon usab kini sa pamilya, rason nga padayon pang gisusi kung unsa ang motibo sa krimen.
“Actually, this is an isolated case. So, with regards sa family niya, revelation ng family niya, he’s a family man. Yun na nga, he has six children. Ang pinaka bunso niya is 14 years old and he is already 21 years in the service,” saysay ni Tito.
Sa inisyal nga imbestigasyon, nagbaton og formation ang mga sundalo sa dihang kalit lamang giadto sa supek ang nga biktima ug gipabuthan sa iyang pusil.
Nasayrang designated driver ang suspek sa biktimang napatay niini nga si Major Embat apan walay criminal record ang suspek una pa man nahitabo ang insidente, ug pasado usab kini sa neuro psychiatric test nga rekisitos alang sa enlistment.
Nagpahigayon na karon og separate nga investigation ang 10th ID sa insidente gawas sa imbestigasyon sa kapulisan.
RadyoMaN Kirby Manzon
