Davao City – Makatabang ang mandatory Reserved Officers Training Corps (ROTC) program diha sa mga tinun-an sa Grades 11 ug 12.
Sumala ni Capt. Jerry Lamosao, 10th Infantry Division Phil. Army Spokesperson, una ilang gisuportahan ang maong lakang aron mubalik ang diwa sa patriyotismo sa kabatan-onan, ikaduha malikay sa nagkadaiyang bisyo sama sa paggamit sa gidiling droga ug dili madala sa recruitment sa komunistang grupo ug ikatulo isip pagpangandam panahon sa giyera tungod kay migradwar sila sa maong kurso isip mga reservists.
Matud ni Lamosao, dakung oportunidad kini sa pagsulod sa armadong kusog sa Pilipinas ug disiplina sa kaugalingon.
Nagtoo si Lamosao nga sa subling pagbanhaw sa ROTC, wala nay matigayong abuso sama sa hazing, physical, psychological ug uban pang matang sa abuso tungod kay gitun-an na kini pag-ayo aron mapatuman pagbalik ug pahamtangan sa silot ang mohimo og nahisgotang mga pag-abusar.
RadyoMaN Bernard Pantallon
