Davao City- Bisan pa man wala pay nadawat ang armadong kusog sa Pilipinas nga order gikan sa Malacañang isip pagkonsidera sa New People’s Army nga mga terorista nagpabilin na nga taas ang ilang alerto.
Sumala ni 10th Infantry Division Spokesperson Captain Jerry Lamosao gipahugtan nila karon ang seguridad sa mga lugar nga sagad punterya sa grupo diha sa ilang mga pagpangataki.
“The 10th ID continues to do its work lalo na yung manhunt natin sa mga criminal na NPA na gumagawa ng atrocities lalo na dito sa AOR natin na meron pa rin hanggang ngayon. We also support the statement of the president and kung merong mga declaration, directives, proclamation, the 10 th ID will do so kung unsa man ang nakabutang didto but so far wala pa man,” segun ni Lamosao.
Gipangayo usab sa 10th ID ang suporta ilabina sa mga negosyante nga dili gayod muhatag sa mga NPA.
“We know for a fact that there are some who are just forced na mag support o mag bigay that is why nanawagan kami na please contact us, contact the PNP and local government units or concerned authorities so that we’ll know earlier and we could track them,” matod sa tigpamaba.
Makigalayon gilayon diha sa mga tinugyanan sa balaod kung aduna silay madawat nga mga pagpanghulga.
Wala pa usab silay nadawat nga direktiba gikan sa mga kadagkuan sa AFP kung iimplementa ba karong kapaskuhan ang naandan na nga Suspension of Military Operations kun SOMO.
Mokabat na sa kapin 200 na ka mga NPA members ka ang nitahan sa ilang mga kaugalingon sa 10th ID.
Gitinguha ni Lamosao nga mas mudaghan pa ang mubalik sa sabakan sa gobyerno karong kapaskuhan.
RadyoMan Aimee Guinita
