Gibutyag ni Task Force Davao Commander Col. Darren Comia, naghiusa ang mga nagkadaiyang units sa pagbansay aron sa pagpalig-on pa sa seguridad sa syudad sa Davao kontra terorismo.
“It’s so unique it’s because dito lang sa Davao City nagkaroon ng interoperability training ang Special Operations Forces ng AFP and the PNP. Pinagsama natin, ki-nombine natin, in-integrate natin. Nag-come up tayo ng sariling interoperability to address an act of terrorism specifically for Davao City,” matud ni Comia.
Sa culmination sa maong aktibidad, nagpahigayon og capability operation aron masukod ang kapasidad sa mga Special Operations Forces diin tulo ka mga scenarios ang ilang gi-aksyunan ug girespondehan.
Unang scenario, bus hostage taking diin adunay dalang bomba ang mga terorista, ikaduhang scenario, nakalusot ug nakapamomba ang mga terorista sa syudad ug niadto kini sa mga built-up areas ug katapusang scenario, ang pagsulod sa mga terorista sa Davao Gulf.
Matud ni Comia, kini ang pipila sa mga posibleng mga insidenting mahitabo nga ilang gipangandaman aron mapugngan gilayon ang terroristic attacks ug matubag ang mga hulga sa seguridad.
RadyoMaN Aimee Guinita
