Davao City – Gipaniguro karon sa mga awtoridad sa Davao Region nga solido ug nagpabiling matinud-anon sa katungdanan ang tana nilang opisyal.
Subay kini sa hagit ni Pangulong Rodrigo Duterte sa mga sundalong gusto makig-alyansa kang Sen. Antonio Trillanes IV aron siya pahawaon sa pwesto.
Atol sa AFP-PNP, gipamahayag ni Lt. Col. Ezra Balagtey nga hugot nagatuo ingon man nagasunod sa bisan unsang mandato gikan sa ulohan ang ilang mga personahe.
Segun niini nga kanunay ginapahigayon ang pagsuta sa loyalidad sa usa ka awtoridad pinaagi sa ilang pagpanumpa atubangan sa bandila sa Philippine Army ug Pilipinas.
Mao usab ang ginabuhat sa 10th Infantry Division-Agila diin sumala ni Capt. Jerry Lamosao nga non-partisan ang kasundaluhan ug suportado niini ang lakang sa gobyerno subay sa pagkab-ot sa kahusay ug kalinaw.
“Padayon tang nagaremind sa atong mga tauhan bahin sa mga presenteng issues pinaagi sa close instruction education matag adlaw’ng Lunes,” segun niini.
Samtang miingon si Police Regional Office 11 P/Chief Insp. Milgrace Driz nga dili nila suportado ang kudeta ug mosunod lamang sa mga mando sa commander-in-chief nga mandato sa Philippine National Police (PNP).
RadyoMan Jason Amisola
